أهم الأسرار الي في العالم.تابوت العهد المقدس و بني إسرائيل

 عُمرك سألت هو الحـفر الي شغال تحت المسجد الأقصى، شغال ليـه..؟ وإيه أسبابه..؟

الحفر اسفل المسجد الاقصي

أصل هُما بيقولوا هيكل سليمان تحت منه أو حاجة زيّ دي.. 

طب تعرف إن الحـفر ده مش هيقف عُمره لأنه من الآخر سر من أعظم أسرار الأرض.. 

بس بشوية تركيز في النصوص الدينية تقدر تكشف السر ..

قصه بني إسرائيل مع تابوت العهد المقدس

تعالى معايا، أنا هَحـكي لك النهاردة عن واحد من أهم الأسرار الي في العالم.. 

مُستعد طب يلا بيـنا.. 

بعد فترة من عبور بني إسرائيل للبحر وانشقاقه لهم أثناء هروبهم من فرعون.. 

فـضّل بني إسرائيل قاعدين في سيناء شويـة كده، في الفـترة دي نزل أمر من الخالق عزّ وجل على نبي الله موسى عليه السلام إنه يقوم ببنـاء تابوت بأشكال مُعينة كده.. 

تابوت العهد

من الذي بني تابوت العهد المقدس

فأمر النبي شخص حرفي ماهر اسمه بتسلال بن أوري إنه يشرع في بناء تابوت العهد المُقدس، والي هـَيكون لُغز كبير جدًا في تاريخ الإنسانية!. 

وصف تابوت العهد المقدس

• التابوت كان عبارة عن ثلاث صناديق مفتوحين من الأعلى، وكل صندوق جـُوَّة التـاني، واتقسموا كده صندوق أكبر وده الي بيحوي الصندوقين التانيين جـُوّاه وده كان مصنوع من الذهب الخـالص.. 
• الصندوق الأصـغر بقى كان مصنوع من خشب السنط وجُواه أصغر صندوق والأكثـر قُدسية على الإطلاق!. 
• كان مصنوع من الذهب الخالص برده.. 
• طوله ذراعـيّن ونصف وعرضه ذراع ونصـف، وزيّ ما هتشوفه في الصور تحت كده له أذرع للحمل، وإطار ذهبي بارز .. 
• لو ركـزّت هتلاقـي إن فوقـيه كان بيُـزَيـنه، قـروبيـان من الذهب الخالص على شكل ملائـكة.. 

تابوت العهد

ماذا يوجد داخل تابوت العهد المقدس! 

التابوت بقى موجـود بس هيتحـط جـُوَّاه إيـه..؟ 

بـُص يا سيدي.. 

1. الألواح المُقدسة الي كُتب عليها الوصايا العشر الي نزلت على نبي الله موسى يوم لاقى ربـه فوق الجبل.. 
2. جـرَة من الـمـَّن.. 
3. كمان نُسخة التـوراة الأصلية
4. وعـصا موسى عليه السلام.. 

من الذي وكل بحمل تابوت العهد من بني إسرائيل

وتم إيـكال مُهمة حملـه من وسط بني إسرائيل لسبط إسمه.. سبط لاوي!. 

يعني نسل لاوي الي هو أخو سيدنا يوسف عليـه السلام.. 

عشان بس في ناس بتتلخبـط في كلمة أسباط وسبـط.. 

حـلـو كده..؟ 

التابوت ده كان بيتم وضعـه في الخـيمة المُقدسة ودي كانت زيّ مكان عبادة مُتنـقل لبني إسرائيل في فترة التـيه بسبب عدم استقرارهم في مكان يعني، وكان جُوة الخيمـة دي مكان اسمه قُدس الأقداس.. 

ففي المكان ده تحديدًا كان بيـتم وضع التـابـوت المقصود وبيـتم حـفظه بشكل سري للغاية وعليـه حُراس بالتـناوُب من سبط لاوي برده.. 

ماذا حدث لبني إسرائيل بعد وفاه سيدنا موسي

المُهم إن بني إسرائيل بعد وفاة سيدنا موسى عليه السلام.. 

كانوا بيـحملوا التابـوت ده على أكتافـهم أثناء الحـروب لحد ما فتحوا كنعـان "فلسطين" على يد النبي يوشع بن نون والي هو كان فتى موسى الي راح معـاه عند مجمع البحرين يوم لقاءه بالخـضـر .. 

وكان بالنسبة لهم شيء ضروري عشان يقدروا يكسبوا الحروب ويواصلوا الإنتصـارات.. 

لأ مش تميمة حظ يا صديقي وإنما لما نيجي عند ذكره في القرآن الكريم بـنلاقي ربنا قال عنه وسمّـاه تابوت السـكينة.. 

يعني مُطمئن يـبعُث على السكينة والطمأنينة.. 

فيما معناه يعني إن بني إسرائيل كانوا مـطمنين لما يدخلوا حرب وهو معاهم..

في تفسـير تاني بيقول إن السكينة هي ريح من الجـنة..

المُهم بقى إن بني إسرائيل فعـلاً وهو معاهم التابوت مكنوش يخسروا حرب أبدًا، مُطلـقًـا، لدرجة إن الأقوام التانية لاحظت أهمية التـابوت ده.. 

كان دايمًا شايله أربعة كده من سبط لاوي يتقدمون الجيش، تابوت ذهبي مُغطى، شكلـه غريب والأغرب إنه بقى علامة لجيش بني إسرائيل.. 

تـخـيل تشوف قدامك جيش كلـه ناس مُلتحين، ويتقدمه أربـعة كهنة شايلين تابوت كده غريب، وفي كل مرة ينتصروا..

شيء عجيب على البـاصرين ومُرعب بصراحة.. 

وبني إسرائيل طبعـًا يعني اعتقدوا إن السبب النـصر كان في التابوت ذات نـفسه، ونسـيوا أن خالقهم، خـالق التـابـوت هو سبب كل شيء.. 

المُهم إن الأقوام دي بـقى هدفها إنهم يسرقوا التابوت ده.. 

وبـالفـعل ده حـصل.. 

في واحدة من الـمـعارك، خطـة العـدو كانت كالتالي.. 

الـهـجوم على الأربع كهنـة لاوي الي شايليـن التابوت، وخطف التـابوت مـنهم..

وقد وقع الأمر وسقط التابوت في يد الأعداء، فسقط جيش بني إسرائيل في المعركة وانتصـر الأعـداء!. 

لأول مرة منذُ مدة طويـلة يسقط جيش بني إسرائيل، ودي كانت نـُقطة تحول..

كنـعان دي عشان تبقـى فـاهم كبيـرة، وكانت مُقسمة لإقطاعيات زيّ الي بتشوفها في أفلام أجنبي كتير مُستوحاة من الفكرة دي.. 

في جزء كان مسيطر عليـه بني إسرائيل وجزء كان مسيطر عليـه قوم اسمهم الفلستنيون ودول قوم تاريـخيـًا جايين من البـحر واستوطنوا المكان ده قبل ما يدخله بني إسرائيـل.. 

عملية نشوء وطن للفلستنيون في كنـعان، كانت في فترة وجـود بني إسرائيل بـمصر .. 

الفلستنيون دول بيرجـع أصلهم لشعوب الفينيقيين تقريبًـا وفي أقوال مُخـتلفة في الموضوع ده..

بس هبقى أرجع للموضوع ده في وقـت تان بعديـن.. 

ركز معايا في التفاصيل عشان مُهمة بدل ما تـتوه مني!.

المُهم إن التابوت ده فـضَل في كنـعان لكن في حـوذة الـفلستنيون ويُقال إنهم كانوا وثنيين وبيعبدوا الأصنام، فـالكهنة منهم قالوا إنهم الأحق بالتابوت ده يفضل في حمايتهم وفي حوءتهم عن باقي الرجال.. 

وبالفعل كان لهم ما أرادوا.. 

فَجعلوا التابوت عند معبد لإله عندهم إسمه الإله "داجـون" الي معبده بيقع في منطـقة "عقـرون" بكعنان.. 

مصير تابوت العهد عبر بني إسرائيل

المُهم إن حصلت حاجة غريبة جدًا أوردتها لنا المـصادر .. 

حاجة في مُنتهى الغرابة!. 

نزل على المدينة "طاعـون" لم يشهدوا لهُ مثيلاً مـِن قـبل.. 

فالرُعب انتشر بين أوساط المُجتمع في عقرون وبدأت الإشاعات إن سبب الطاعون المُميت ده هو التابوت ده وإن كل الي بيقرب من المعبد بتاع الإله "داجـون" موته حتمي وأسرع من غيره.. 

وامتدت الإشـاعات عشان تُلقي اللوم على الكـهنة الي خافوا وقرروا يُعيدوا التابوت ده لمدينة إسمها "بيت الشمس" في كنـعان برده.. 

الأغـرب بقى.. 

ينتشـر طاعون تاني في مدينة بيت الشمس أعراضـه تختلف، ويـفضّل هناك سبع شهور محدش عارف يقرب منه، لحد ما بقى التابوت المُبارك، تابوت ملعون.. 

كل الي بيقـرب منـه بيموت!. 

فتداولـهُ الـعامة، وبقى يُلقى كده في الأمـاكن البعيدة وانتهى أمره كأن للأبـد .. 

في ناحيـة أخرى من نفس العالم.. 

بني إسرائيل بدأوا يضعفوا ودولتهم بدأت تبقى على حـافة الإنـهيـار وكمان مبقاش في أنبياء كتير زيّ زمان، يعني الموضوع بقى إيمانـيًا شحيح جدًا ..

فكان النبي صموئيل.. 

بني إسرائيل كانوا واقعين في حيرة من أمرهم، مش عارفين يختاروا ملكهم الجديد، من أي حيثـية، هل يختاروه عسكري مُحنَـك ولا رجل مال.. 

فـأمر النبي بني إسرائيل، إنهم يأخذوا كده عصا مُعينة بناء على وحَيّ مـن الله.. 

الي هيساوي طولـه، طول العصاية دي هو الملك المُنتَظر .. 

فضل بني إسرائيل يلفوا منطقتهم في كنعان حتـة حتـة، عايزين يِعرفـوا مين الي هتبقى العصايـة دي طوله.. 

قاسوها على راجل راجل، مسابوش.. 

طبعاً بدأوا بالطبقة العُليا من الأمراء والكهنة ومفيش.. 

لحد ما كانت المُفاجأة .. 

رجل يعمل كبستاني!. 

الراجل ده كان اسمه "طالـوت" .. 

أيوة هو يا صديقي.. 

لكن طبـعًا كبار القوم هناك ثاروا على الموضوع، ورجعوا تاني للنبي صموئيل يقولوه إنهم مش موافقين على الموضوع ده نهائي.. 

إزايّ واحد بسيط زيّ ده يبقى ملك علينا..؟ بأي أمارة يعني..؟ 

رب العالمين أوحى للنبي صموئيل، بأن علامة مُلك طالـوت هي أن يعود تابوت العهد لبني إسرائيل.. 

فوافق القوم على مضـض كده، الي هو بس عشان خاطر تابوت العهد يرجع.. 

بُص تخـيّل معايا المشهد ده.. 

بمجُرد ما تمت مراسم تتويج طالوت كملك لبني إسرائيل حدثت المُعجزة!. 

أنزل الله عليهم التابوت من السماء!. 

حملته الملائكة وأنزلته بين يدي طالوت.. 

وبالفعل آمن بني إسرائيل بكـوّن طالوت مَلكًا عليهم.. 

وعاد بني إسرائيل للإنتـصار معركة تلو الأخرى، لحد ما في معركة قدروا أنهم ينتصروا على الملك الجـبار جالوت، على يد شاب يافع من بني إسرائيل إسمه داوُد والي نال مُلك بني إسرائيل من بعد طالوت.. 

وكان داوُد نبي الله.. 

ومن صُلبه كان سيدنا سليمان عليـه السلام.. 

الي قدم نهضة حضـارية لبني إسرائيل وشاف إن صعب يفضل بني إسرائيل مُحتفظـين بالتابوت في الخيّـم والتّرحال بيـه كده فأنـشأ مسجـدًا .. 

يُعتقد إنـه المسجد المقصود في الآية الكريمة.. 

بسم الله الرحمن الرحيم..

﴿وَلِيَدْخُلُواْ الْمَسْجِدَ كَمَا دَخَلُوهُ أَوَّلَ مَرَّةٍ وَلِيُتَبِّرُواْ مَا عَلَوْا ﴾سورة الإسراء .. 

طبـعًا المُسمّى الإسلامي لبيت العبادة هو كلمـة مسجد فلما رب العالمين يكلم المُسلمين هيقولهم إيه عن مكان كان في يوم مُخصص لعبادتـه.. 

مسجد..

اين وضع تابوت العهد بعد موت سيدنا سليمان 

وهناك وُضِع التابوت في مكان يُسَمّى بقـدس الأقداس.. 

واستقر هناك فترة .. 

حتـى كان غَزوّ نبوخذ نصر لكنعان والسبيّ البابلي، لما أخد بني إسرائيل سبايا ويُقال إنه دمر المسجد المقصود ونهب كل ما ملك بني إسرائيل نهبًـا بينًـا .. 

وبعد السبيّ البابلي اختفى التابوت تمامًا.. 

يُعتبر ده السبب وراء حـفر اسرائيل تحت المسجد الأقصى المبارك، لأنهم مُقتنعين إن بـعد حادثة السَبيّ بتاعـة نبوخذ نصر وهدم المسجد الي بناه سيدنا سليمان والي هما بيسمّوه هيكل سليمان دلوقتي..

تم بناء المسجد الأقصى فوقيه وإن تحت منه الهيكل المزعوم وجُوّاه التابوت الي هُما شايفين إن باستعادتـه هيستعيدوا سيطرتهم وقوتهم مرة تـانية ومفيش حد في العالم يقدر يوقفهم.. 

طب جزئيـة نبوخذ نصر والسبيّ البابلي دي محدش خد باله منها خالص!. 

يعني الراجل دمـر كل حاجـة، حرفـيًا كل ممتلكات بني إسرائيل في بيت المقدس بقت هي والأرض سـواء.. 

حلو كده فهمت حاجة..؟ 

طيب لو جيت للحق التابوت فين..؟ 

كل سنة في مدينة أكسوم بأثيوبيا هتلاقي آلاف البشر ماشيين في طوابير شايلين تَـوابيت ذهبية كده، وكل سنة يوم ١١ يناير في عيد إسمه عيد "تيـمكات" بيحتفل الناس هناك في كنيسة السيدة العذراء، بالتابـوت.. 

وبيقولوا إن النسخة الموجودة من التابوت ده هناك هي النسخة الأصلية، وده موضوع بيشوفه كهنة اسرائيل أنه مُجرد تخريف.. 

كمان في أحاديث المهدي المُنتظر يُقال إن المهدي هيخرج التابوت ده من جبل في الشام، فَهيشوفوا بني إسرائيل معاه، فهيعرفوا إنه الحق فهيتبعه المؤمنين منهم.. 

وإن أتبـاع المهدي الـمُنتظر المُختارون هما الي هيساعدوه على استخراج التابوت.. 

كمان هتلاقي إن من ضمن الأخبار الغريبة في مصر إن كان في واحد سنة ٢٠١٢ تقريبًا كان رافع قضيـة بهـدم العقار بحجـة إن التابوت مدفون فيـه.. 

وأخـيرًا كان في واحد بيقول إن التابوت مدفون في بحيرة البردويل ( الكلام ده بجد ) .. 

وفي أحاديث نبوية تانية مش عارف مدى صحتها عشان أوردها لك عن المهدي برده، بتقول أنه هيستخرجه من بلد إسمها أنطاكيا ولما يستخرجه منها هيتبعـه المؤمنين من بني إسرائيل وقتها بس.. 

والحقيقة المُجردة إن تابوت العهد أو السكينة، محدش عارف مكانه بالظبط، بس إذا كان وجوده من عـدمه وإن مَكنش نبوخذ نصر دمره بوقت السبي البابلي.. 

فهو إحتمـال ضعيف يكاد يكون مُطلق الضعف أنه يكون تحت المسجد الأقصى.. 

ولكن هتعمل ايه..؟ 

الحفر اسفل المسجد الاقصي

كده كده هما هيحفروا وكده كده أنت هتـتفرج وكده كده مش هيلاقوا حاجـة.. 

الموضوع مُعقد شوية، بس أنا حاولت أخـليك تسيطر عليـه قدر الإمكان.. 

وده كان يُعتبر سر من أسرار وخفايا العالم من حوالينا 

شكرًا يا رفيق.

من كتاب 

مصطفى_محمود